Парадак прыёму ў 5-я класы
ДУА "Гімназія №4 г.Мінска з беларускай мовайнавучання" у 2009 годзе.
1. У гімназію маюць права паступаць вучні, якія атрымалі агульную пачатковую адукацыю.
2. Бацькі або законныя прадстаўнікі вучняў у перыяд з 10 па 25 мая падаюць у прыёмную камісію гімназіі заяву на імя кіраўніка гімназіі і прадстаўляюць да дня ўступнага іспыту наступныя дакументы:
- асабовую картку вучня;
- даведку аб стане здароўя дзіцяці;
- ведамасць гадавых адзнак з класнага журнала па спецыяльных вучэбных прадметах мастацка-эстэтычнай накіраванасці за апошні год навучання на І ступені агульнай сярэдняй адукацыі;
3. У перыяд з 2 па 6 чэрвеня 2009 года праводзяцца ўступныя іспыты ў гімназію па наступных вучэбных прадметах:
2 чэрвеня - "Беларуская мова" (пісьмова)
4 чэрвеня - "Матэматыка" (пісьмова)
6 чэрвеня - "Руская мова" (пісьмова)
Пачатак уступных іспытаў у 12 гадзін. На выкананне работы адводзіцца 1 (адна) астранамічная гадзіна.
4. Парадак правядзення ўступнага іспыту і рэкамендацыі па выкананні прапанаваных заданняў даводзяццца да ведама вучняў аудыторыі перад пачаткам уступнага іспыту.
5. Адзнакі, атрыманыя вучнямі на ўступных іспытах, абвяшчаюцца на наступны дзень пасля іх правядзення.
6. Вучань у прысутнасці яго законных прадстаўнікоў можа азнаёміцца са сваёй пісьмовай работай незалежна ад атрыманай адзнакі на падставе пісьмовай заявы, якая падаецца на імя саршыні экзаменацыйнай камісіі ў дзень абвяшчэння вынікаў уступнага іспыту.
7. У выпадку нязгоды з выстаўленай адзнакай вучань, законныя прадстаўнікі вучня імеюць права падаць апеляцыю на імя страшыні прыёмнай камісіі.
8. Загад аб залічэнні вучняў у гімназію афармляецца яе кіраўніком на падставе пратакола рашэння прыёмнай камісіі гімназіі не пазней за 10 чэрвеня 2006 года. У трохдзённы тэрмін рашэнне аб залічэнні вучняў у гімназію даводзіцца да ведама законных прадстаўнікоў вучняў.
9. Пераважнае права на залічэнне пры роўнай агульнай колькасці балаў па выніках уступных іспытаў маюць:
1) Вучні, якія маюць вышэйшы сярэдні бал гадавых адзнак за апошні год навучання на І ступені агульнай сярэдняй адукацыі;
2) Вучні, якія маюць вышэйшы сярэдні гадавы бал гадавых адзнак па вучэбных прадметах мастацка-эстэтычнай накіраванасці за апошні год навучання на І ступені агульнай сярэдняй адукацыі.
10. Вучні, якія не залічаны ў гімназію, працягваюць навучанне ў іншых агульнаадукацыйных установах на агульных падставах.
Прыёмная камісія гімназіі выдае гэтым вучням іх асабовую картку, даведку аб стане здароўя дзіцяці, якія яны прадстаўляюць у іншую агульнаадукацыйную ўстанову для працягу навучання на ІІ ступені агульнай сярэдняй адукацыі.
11. Дазваляецца па рашэнні Камітэта па адукацыі Мінгарвыканкама ў перыяд з 21 па 28 жніўня праводзіць уступныя іспыты ў гімназію для вучняў , якія не з'явіліся на ўступныя іспыты па ўважлівых прычынах (хвароба або іншыя непрадбачныя абставіны, што падцверджаны дакументальна), толькі пры наяўнасці ў ёй свабодных вучнёўскіх месцаў.
