Дзяржаўная ўстанова адукацыі "Гімназія №4 г.Мінска"
ГІМНАЗІЯ ЎЧОРА 
1 снежня 1990 года была адкрыта СШ№198 г. Мінска, першым дырэктарам якой стала Аляксеева Людміла Станіславаўна.
У 1991 годзе СШ№198 была перайменавана ў гімназію № 198, якая ў 1996 годзе атрымала новую назву – Мінская беларуская нацыянальная гімназія №4.
З 1997 па 2016 год дырэктарам Мінскай беларускай нацыянальнай гімназіі №4 працаваў Бандарэнка Юрый Міхайлавіч.
У 2002 годзе быў створаны Цэнтр беларускай нацыянальнай культуры, а ў 2003 годзе - адкрыты музей “Мой родны кут”. Былі арганізаваны беларускі дзіцячы ўзорны харэаграфічны ансамбль “Дзянніца” і хор “Сябрына”.
У 2016 годзе дырэктарам Мінскай беларускай нацыянальнай гімназіі №4 прызначаны Гоцман Андрэй Міхайлавіч
ГІМНАЗІЯ СЁННЯ
У гімназіі адкрыты 40 класаў, у якіх навучаецца 940 вучняў , з іх 16 класаў (425 вучняў) пачатковай школы.
У гімназіі з 1 класа выкладаецца англійская мова. На факультатыўных занятках вучням прапануецца вывучэнне польскай, нямецкай мовы як другой замежнай мовы.
На III ступені навучання (10-11 класы) ажыццяўляецца дыферэнцыяцыя па наступных профілях:
- фізіка-матэматычны
- эканамічны
- філалагічны
ДУА “Гімназія №4 г. Мінска” супрацоўнічае з БДПУ імя Максіма Танка, БДТУ, Нацыянальным інстытутам адукацыі. Партнёрскія адносіны склаліся паміж гімназіяй і адукацыйным цэнтрам імя П. Арупе (Гдыня, Польшча). Заключаны дагавор аб супрацоўніцтве з гімназіяй імя Я.Снядзецкага (Шальчынінкай, Літва).